He aha te COVID-19?

ORO - What is COVID-19? (Māori)

He aha te mate huaketo karauna me te COVID-19?

Ka māuiui te tangata i te huaketo

Ko tētahi momo mate huaketo karauna ā ko te COVID-19.

Ka taea te tuku riro i te COVID-19, i tētahi tangata ki tētahi atu.

Ko nga tohumate a te COVID-19:

  1. He maremare.
  2. He mate pīwa – ka kirikā to tinana.
  3. He uaua ki te hā ki roto.

Ko nga tāngata ka pāngia e nga mate mātao me te rewharewha rānei, ka mau i wēnei tohu hoki.

Wētahi o nga tāngata i pokea e te COVID-19, kore rawa e pā atu te māuiuitanga. Engari, ka āhei tonu te tuku riro I te huaketo ki tētahi atu tangata.

Tae noa ki nga rangi 14 te roa, i mua i te putanga mai o nga tohumate a te COVID-19, ka māuiui koe.

Inā hoki ka pokea te tangata i te COVID-19, ka āhei tonu te poke i nga taputapu me wētahi atu tāngata i nga wai māturu, inā rā

  1. Ka maremare.
  2. Ka tīhei.
  3. Ka kōrerorero.
  4. Ka pā atu mā te hariru.
  5. Ka pā atu ki nga wāhi me nga taputapu ka pā atu tētahi i muri mai.

Ko te wai māturu, he wai rīriki na te ihu me te mangai ranei o te tangata.

Tēnā pea kei roto i te wai māturu e ora ana te COVID-19.

Ko nga tūmomo papa me nga taputapu:

  1. He tēpu.
  2. He papa mahi i te kīhini.
  3. He puritā kuaha.

Wētahi mahi me mahia e tātou katoa, hei aukati i te horapa o te COVID-19:

  1. Me noho wehe mai i nga tangata e māuiui ana i te mate mātao me te maremare.
  2. Me noho puku koe ki te kāinga, pēnā i te māuiui.
  3. Taupokina to mangai me to ihu e te rauangiangi, inā rā ka maremare, ka tīhei hoki.
  4. Whuia atu i nga rauangiangi ki te ipu para.

Me hōroi i ringaringa i te hopi me te wai, kia kō atu i te 20 hekona:

  1. I muri mai i te maremare, i te tīhei.
  2. I muri mai i te whengu ihu.
  3. I mua noa atu i te kai me te pā ki nga kai.
  4. I muri mai i te haere ki te whare iti.
  5. I muri iho i te āwhina atu i nga tamariki ki te whengu ihu.
  6. I muri mai i te atawhai i nga tāngata māuiui.

Mehe mea hore kau he hopi me te wai, me mahia te hinu patuero.

Pai rawa ake kia kaua koe e pā ki:

  1. Ō whatu.
  2. Tō ihu.
  3. Tō mangai.

Pai rawa ake me patuero koe i nga papa me nga taputapu, ka pāpā haere koe.

Mehe mea he pātai anō wāu mo te COVID-19, me waea mai ki. Healthline:

0800 358 5453

Hore kau he utu ki te waea atu ki Healthline. I te tuwhera a Healthline i nga wā katoa o te rāngi.

Scroll