Mō te hunga tamariki, ka pā atu te māuiuitanga mēna e taumaha ana tāna hauora, pērā i te:

1. Mate rere toto.
2. Mate ngākau.
3. Mate huangō me ētahi atu mate pukapuka.
4. Mate hukahuka.
5. E whai rongoā ana mo te mate pukupuku me etahi atu mate-ā-toto.
6. Mate tākihi.
7. Ētahi atu momo mate e whakararu ana i te hauora.

Ko te tikanga matua kia whakaako i ō tamariki kia kaha horoi i a rātou ringaringa i ngā wā katoa.

Me kaiponu ō tamariki i a rātou ake pātara wai me ngā taputapu kai.
Me kaua hoki e kai i ngā kai a ētehi atu.
E pai ana mā koutou te whānau hei awhi i ō ake tamariki i te kāinga, ēngari mō te tekau mā rima miniti noa iho.
Mēnā e awhi ana koutou, kaua e wareware kia horoi o koutou ringaringa.

Ānei ētahi o ngā tohumate a te COVID-19:

1. He maremare kino.
2. He mate tino pīwa – ka kirikā te tinana.
3.He uaua kia kimi hā.
Mehemea e mau nei ō tamariki i ngā tohumate, me kōrero koe ki tō tākuta i te tuatahi, ki Healthline rānei mā 0800 358 5453.
Mā tō tākuta, mā Healthline rānei e aromatawai i a koe mā runga waea ā mā rātou anō e tohutohu me aha koe, ā, haere ake nei.
Ka taea hoki koe te hari ō tamariki ki tētahi whare whakamātau-tau-ā-hāpori hei aromatawai, tērā pea hei whakamātauria hoki, mehemea e tata ana tētahi ki tō wāhi noho.
Scroll to Top Skip to content