Ka pā atu te māuiuitanga, inā ra kō atu to kaumātuatanga i te 50 tau mēnā i te taimaha ake to hauora, pērā i te:

1.Mate rere toto.
2.Mate ngākau.
3.Mate huangō me wētahi atu mate whai hā. 
4.Mate hukahuka. 
5.Kua whai rongoā koe mō te mate pukupuku me wētahi mate-a-toto. 
6. Mate Tākihi.
7.Wētahi atu momo mate e raru ana i tō hauora.

Ko ngā tohumate o te COVID-19:

1.He Maremare.

2.He Mate Pīwa.


3.He uaua te kimi hā.
Mēnā ka hua mai wēnei tohumate, me kōrero atu koe ki tō ake tākuta ite tuatahi, ki Healthline rānei mā 0800 358 5453.
Mā tō tākuta, mā Healthline rānei koe e whakamātaungia mā rungawaea, a, mā rātou anō koe e tohu kia aha koe haere ake nei.
Mō te tūpono, ka taea hoki koe ki te haere ki tētahi whare whakamātautau-a-hapori, whare haumanu rānei, mehemea e tata ana tētahi ki tō wāhi noho.

E ono ngā mahi ka taea e koe, kia whakahaumaru i a koe anō.

1.Waiho te hongi, te awhi, te kihi me te rūrū.
2.Kia kaha te horoi me te raumaroke i o ringa.
3.Kaua e pāngia o ringa ki tō waha, o karu me tō ihu.
4.Me noho tawhiti atu koe i ētahi atu e maremare ana, e tihē
 ana hoki.
5.Taupokina tō mangai me tō ihu i a koe e maremare ana, e tihē ana hoki.
6.Kaua e tohatoha te kai me te inu.

Te taenga mai ki Aotearoa

Ko ngā kainoho me ngā kirirarau (me wā rātou tamariki, hoa rangatira hoki) e whakaae ana kia tomo mai ki Aotearoa nei.
E tūwhera ana hoki ki ērā o Rarotonga, Niue, Tokelau me Ahitereiria me ngā kainoho tūturu o te whenua nei, waihoki.
Ko ngā kai mahi o ngā waka rererangi Ka taea hoki ētahi atu. Pērā i ngā kaimahi hauora me ngā take atawhai tangata. Kei te āhuatanga o te wā, me o rātou mahi te whakatau.
Scroll to Top Skip to content