Mēnā ka tohua koe ki te whakamātautau mō Covid-19, me haere koe ki tētahi. Whare Whakamātautau-a-hapori, ki tētahi whare haumanu COVID rānei e tata ana kia koe.

I tō taenga atu ki ngā wāhi pēnei, ka kite atu i ngā nēhi e mau ana i wā rātou kākahu whakahaumaru hoki. Kaua e mōrearea, he mahi nui tā rātou. Hei tiaki i tātou, me i a rātou hoki.

Ngā mahi o te whakamātautau:

Ka aromatawaingia koe e tētahi nēhi i te tuatahi.
Mēnā e hua ana ngā tohumate COVID-19, ka whakamātaungia koe.
Ka pania e te nēhi tō korokoro, kei roto hoki i tō ihu. Katahi ka tukuna atu ngā tipakonga ki tētahi taiwhanga pūtaiao.

Ko ngā tohumate o te COVID-19:

He Maremare.
He Mate Pīwa.
He uaua te kimi hā.
Mēnā kāore e puta ana ngā tohumate COVID-19, tēnā pea,kāore he whakamātautau.
Mēnā kua whakamātaungia koe, engari kāore koe e rongo ana i te māuiuitanga, ka tohua tonutia koe kia noho wehe tahi ki tō kāinga. Taihoa kia puta mai ai ngā kōwhiringa.
Mēnā e rongo mārika ana i te māuiuitanga, ka tohua koe ki te haere ki te hōhipera.

Tēnā pea ka rerekē ngā whakahaere o ngā whare whakamātautau me ngā whare haumanu kei tēnā, kei tēnā rohe.

Hei tauira: Kei roto i a Waikato, kaua mā te tākuta anake e tohua kia haere koe ki ngā whare whakamātautau-a-hapori. Engari, he rerekē tēnei kei roto o Otago.
Scroll to Top Skip to content