Te Tautoko Ahumoni Ohotata

ORO - Te Tautoko Ahumoni Ohotata (Māori)

Ko ngā hua e taea ana kia whakawhiwhia e koe mai i te Kāwanatanga.

Mehemea kua haukotia koe e tō mahi, kei te rapu kāinga, kai, kakahu, moenga rānei koe.

E taea ana koe kia whiwhi pūtea tautoko mai i te Te Hiranga Tangata.

Ka taea hoki koe ki te pātai atu ki Te Hiranga Tangata, kia utua e rātou i tō ake reti mēnā kāore koe e āhei ana nā runga i ngā āhuatanga o te COVID-19. Ehara i te mea me whai penihana/moni oranga koe kia whiwhi i tēnei tautoko. Kōtahi anake te tukunga o ēnei moni tautoko, ka mutu, me whakahoki koe i ēnei moni a tōnā wā.

Waea atu ki a 0800-559-009 i waenga i te 7am ki te 6pm, Mane ki te Paraire. Mai i te 8am ki te 1pm hoki ia Hatarei. Kia mōhio rānei koe mēnā e āhei ana ki tēnei momo tautoko.

Pūtea Tāpiri

Ko te Pūtea Tāpiri he moni āwhina nā te Kāwanatanga ki ngā ūmanga kia taea ai rātou kia utua i ō rātou kaimahi, kia kore hoki aua ūmanga e haukoti/poroa i ō rātou kaimahi.

Mēnā e āhei ana ngā ūmanga ki ngā Pūtea Tāpiri, me mau mārika rātou ki o rātou kaimahi katoa. Ka mutu, me utu tika rātou i ngā kaimahi kia kaua e heke tō rātou pei i raro i te waru tekau paihēneti o te mea māori.

Ko te Pūtea Tāpiri mō te COVID-19 e pēnei ana:

Kia rima rau, waru tekau mā rima tāra me te waru tekau hēneti mō ngā kaimahi e mahi ana mō te rua tekau haora piki ake i te wiki. Kia toru rau rima tekau tāra mō ngā kaimahi e mahi ana mō te rua tekau haora heke iho i te wiki.

Kotahi noa iho te tukunga o ēnei Pūtea Tāpiri. Ko tōna tikanga, me ū tonu kia tekau mā rua wiki mō ia kaimahi.

Mō te utu i ngā kaimahi noa iho ēnei Pūtea Tāpiri.

Utu Hararei/Utu Māuiui.

Mēnā kei a koe te mate COVID-19, kei te noho wehe tahi rānei koe nā tō tūtakinga atu ki tētahi kua pāngia ki taua mate, kataea pea te Kāwanatanga kia utu i tō pei i a koe e ngaro ana i te mahi.

Ngā pikinga mō ngā tāngata whai penihana/moni oranga mai i te whā o Pāenga-Whā-Whā.

Ka piki te Utu Hiko-a-Hōtoke.

Ka whiwhia e ngā tangata takitahi te whā tekau tāra, iwa tekau mā tahi hēneti anō.

Ngā takirua, me ērā e manaaki ana i ngā tamariki pori, ka whiwhia te ono tekau ma toru tāra me te ono tekau mā whā hēneti.

Ka whiwhi hoki he rua tekau mā rima tāra anō e te kato o ngā tāngata whai penihana/moni oranga.

Kua whakakorea ngā whakatārewatanga penihana tae atu ki te rua tekau mā toru o Nōema, rua mano, ngahuru mā rua.

Ngā whakamahukitanga whakapā

Kia whai mōhiotanga anō e pā ana ki ēnei momo tautoko Kāwanatanga haera ki te pae tukutuku o Work and Income New Zealand waea atu rānei ki a 0800-559-009 i waenga i te 7am ki te 6pm, Mane ki te Paraire.

Mai i te 8am ki te 1pm hoki ia Hatarei.

Scroll