Ānei nga whakaritenga inā ka mate tetahi a tō whanau.

Me waea tika atu ki te pirihimana ki te mea atu ko pā atu tetahi mate tangata. Ka ahei koe te inoi atu kia korero tahi ki te āpiha pirihimana-a-iwi.

Tipakongia tetahi o to whanau, he kai korero me te hautu i nga 
tukanga ki te taha o nga pirihimana me te hunga Atawhai hau Ora.

Me whai mohiotanga mēnā ko whakatungia he kai whakarite e te hapori Maori, te Iwi, te hapu, hei kai atawhai i a koe. Katahi ka waea atu ki te korero ki a ratou.

Me waea atu ki tona tākuta, kai mahi hau ora ranei.

Inā ka mohio koe ki te putake o te matenga o te mema o to whanau me whākina atu ki te pirihimana.

Mēnā i mate ia i te COVID-19 me whakamohio atu ki te Pirihimana, ma ratou koe e tohutohu atu me aha koe.

Mehe mea kahore koe i te mohio ki te putake i mate ai te mema o to whanau, e tika ana kia pokangia e te hunga mahi i wenei mahi.
Me waea atu ki kai tiaki tupapaku i te pā tata ki to kainga, māna e whakarite i te nehu me te tahu tupapaku. Inā ra, kore koe i te mohio ki tetahi, ma te āpiha pirihimana-a-iwi koe e awhina.
Ina hoki ko tipakongia he kai tiaki tupapaku, ka haere mai ratou ki to kainga i te hiki i te tupapaku. I te mau ratou i nga kakahu arai mate keto, pera i te arai kanohi me nga karapu ringa ā te tāngari hoki.
Tokorua noa iho nga whanau e ahei ana te haere ki te whare tiaki tupapaku.
Ka nehua wawe me te tahua ranei te tupapaku. Ma te kai tiaki tupapaku koe e awhina. 
Mēnā ka taea, ka whakatahangia te tupapaku ki roto i tetahi paaha tio rahi ano. Tae noa ki te wā, ka hikia te koeke ōhiti 4.  

He korero matua.

Me whai mohiotanga mēnā ko whakatungia he kai whakarite e te hapori Maori, te Iwi, te hapu, hei kai atawhai i a koe. Katahi ka waea atu ki te korero ki a ratou.
Inā pea, ko pokea te tupapaku i te COVID-19, kaua rawa koutou i te kainga e pā atu ki a ia. Kia mohio mai koutou ka poto rawa te wā ka noho ia ki to koutou taha, ka tikina mai e te kai whakarite tupapaku.

Ko te tahu tupapaku.

Ahakoa to tauhau ki te tahu tupapaku me āta whakaarongia tenei kōwhiringa, inā ra i te hiahia koe ki te whakahoki i te kawe mate o te tupapaku ki tō urupa i te wā ka hikia te rāhui.
Kia mohio mai koe aini pea kore e whakahokia atu nga pungarehu tae noa ki te hikinga o te mate urutā.
Ko te wā o te poroporoaki.
Tae ki wā ka mohio ai a hea te nehu, ka taea te whakatū e te whanau noho wehetahi i tetahi wā mo te karakia, i tōu ake kainga.
Tēnā pea ka tū e te whanau i te whakapaoho ma te waharoa.
Ka tae ki te wā ka hikia te rāhui o te mate urutā, ka ahei te whanau ki te hui tahi ki te poroporoaki i to ratou tupapaku. Ka taea pea te whakahoki i nga pungarehu ki tō urupa, inā ra i tahua te tupapaku. Mehe mea i nehua, ka ahei te hui ki te urupa ki te tuku karakia. Ko wēnei wētahi o nga āhuatanga, hei aheinga māu ki te whakatū hei maumahara i to tupapaku.
 

Ko te whai awhina me te tautoko.

E whakahau ana matou kia hono atu ki nga āpiha pirihimana-a-Iwi, ki nga hunga kai whakarite me tona kai mahi Hau Ora hoki.
He taimaha rukiruki te pāmamae me hotu manawa. Mehe mea, ehara koe i te waewae kai pakiaka, me waea atu ki te korero ki nga mātanga Hau Ora. Hei tautoko atu i a koe mo wēhei āhuatanga te pāpōuri me te āwangawanga, ā te ora o to hinengaro hoki, me tuku pātuhi ki 1737 – hore kau hei utu, i te pūare i nga wā katoa o te wiki. Kia ahei ai koe ki te korero ki tetahi kai whakamahere ora.
Scroll to Top Skip to content